АПЛ матчы жанкүйерлермен жанжалдан кейін тоқтатылды
Сәтсіз нәтижелер сериясынан кейін «Вест Хэм» өз жанкүйерлерін қуанта алды және чемпионаттағы қатарынан екінші жеңісіне қол жеткізді, деп хабарлайды Prosports.kz. Бұл үш ұпай команда үшін Премьер-лигада сақталып қалу жолындағы күресте аса маңызды болды.
Лондондықтар өз алаңында биылғы маусымда жақсы формада жүрген «Сандерлендті» қабылдады. Алайда қонақтар күткеннен де оңай жеңіліп, кездесу 3:1 есебімен алаң иелерінің пайдасына аяқталды.
Матч барысында алаң сыртындағы жағдай да назарға ілікті. Швейцариялық футболшы Гранит Джака «Вест Хэм» жанкүйерлерінің бірімен қатты сөз таласына түсті. Ойыншы бұл кездесуде алаңға шыққан жоқ, ол «Сандерлендтің» қосалқы ойыншылар орындығының артында тұрған. Оның арт жағында тұрған жанкүйер матч соңында әдейі арандату жасаған.
Джаканың ашуына тиген жайт оның бұрын «лондондық дербидегі» басты қарсыластардың бірі саналатын «Арсенал» сапында ойнағанымен байланысты болды. Футболшы жауапсыз қалмай, жанкүйерге қарсы пікір білдірді. Тәртіп сақшылары араласуға мәжбүр болып, төреші де жағдай ушығып кетпес үшін ойынды уақытша тоқтатты.
Алайда соңғы ысқырықтан кейін де жанжал жалғасын тапты. Бұл жолы «Вест Хэмнің» өзге жанкүйерлері де Гранит Джаканы сөзбен түрткілей бастады, ал бұл футболшыға мүлде ұнамады.
Луиш Нани «Ақтөбе» сапына оралады: Португалиялық легенда Қазақстанда ойнайды