Александр Бублик Аустралия ашық чемпионатының 1/8 финалына өтті
Мельбурнда Аустралия ашық чемпионаты өтіп жатыр, деп хабарлайды Prosports.kz.
Үлкен Дулыға турнирінің үшінші айналымында қазақстандық теннисші Александр Бублик (ATP рейтингінде 10-орын) аргентиналық Томаш Мартин Эчеверримен (ATP рейтингінде 62-орын) кездесті.
Нәтижесінде қазақстандық теннисші аргентиналық қарсыласын 7:6, 7:6, 6:4 есебімен тізе бүктірді. Ойын барысында Бублик 21 эйс жасады. Бұл Қазақстанның бірінші ракеткасы үшін AO турниріндегі алғашқы төртінші кезең.
Келесі қарсылас – аустралиялық Алекс Де Минаур (ATP рейтингінде 6-орын). Соңғы екі кездесу қазақстандықтың пайдасына аяқталды.
Айта кетейік, Аустралия ашық чемпионаты 18-31 қаңтар аралығында өтеді. Турнирдің жүлде қоры 74 900 000 АҚШ долларын құрайды.
Қазақстандық теннисші Аустралия ашық чемпионатының үшінші айналымына өтті
Ига Швентек Australian Open турнирінің үшінші айналымына шықты