Норвегия құрамасының бапкерлері жанжалға байланысты жазаланды
Трамплиннен секіру бойынша Норвегия ұлттық құрамасының үш бапкері, оның ішінде бас бапкер Магнус Бревик те бар, жарыс костюмдерін өзгерткендері үшін 18 айға қызметтен шеттетілді, деп хабарлайды Prosports.kz. Шешім 15 қаңтар күні ресми түрде жарияланды.
Бұл жанжал Норвегия өткен жылдың наурыз айында қабылдаған шаңғы спортынан әлем чемпионатының беделіне де, ел құрамасының абыройына да айтарлықтай нұқсан келтірді. Халықаралық шаңғы және сноуборд федерациясының мәліметінше, Бревиктен бөлек бас бапкердің көмекшісі Томас Лобен мен бапкерлер штабының мүшесі Адриан Леавелтен де дисквалификация алды. Жаза мерзімі жарыс басталған күннен есептеліп, қыркүйек айында аяқталады.
Бұл іске қатысы бар трамплиннен секірушілер — Олимпиада чемпионы Йохан Андре Форфанг пен Мариус Линнвик былтыр тамыз айында үш айлық дисквалификацияға келісіп, кейін Әлем кубогы кезеңдеріне қайта оралған. Алдағы қысқы Олимпиада ойындары ақпан айында Милан мен Кортинада өтеді.
FIS мәлімдемесінде тәуелсіз комиссияның шешімі кез келген алаяқтық спорттың рухы мен құндылықтарына түбегейлі қарсы екеніне негізделгені атап өтілді. Костюмдерге жасалған манипуляциялар Тронхеймдегі Әлем кубогы кезінде жасырын түсірілген бейнематериалдар арқылы әшкереленген.
Алдын ала FIS бекітіп, чип орнатқан костюмдердің көлемін үлкейту арқылы спортшылар ұзағырақ секіруге мүмкіндік алған. Бұл сәйкессіздік тек норвегиялық спортшылардың костюмдерінің шат аймағындағы тігістерін тарқату кезінде анықталған.
Тронхеймдегі жарыста Линнвик пен Форфанг тиісінше екінші және төртінші орын алғанымен, кейін бұл бәсекеден шеттетілді. Соған қарамастан, Линнвик бірнеше күн бұрын кіші трамплинде жеңіп алған атағын сақтап қалды, ал екі спортшы да командалық сындағы қола жүлделерінен айырылған жоқ. Олар өз кінәсін мойындап, бұл әрекетке тек үлкен трамплинде өнер көрсету үшін барғандарын айтты.