«Қайраттың» жас ойыншысы ота жасатуға дайындалып жатыр
«Қайраттың» 18 жастағы жартылай қорғаушысы Азамат Тұяқбаев ота жасатуға дайындалып жатыр, деп хабарлайды Prosports.kz тілшісі ASnews.kz сайтына сілтеме жасап.
Алматылық клубтың түлегі тыныс алу кезінде қиындықтарға тап болған. Алдағы бірнеше апта ішінде футболшыға септопластика жасалады күтілуде. Операциядан кейін Тұяқбаев кемінде бір айға қатардан шығады, яғни Азамат үшін бұл маусым аяқталды деуге болады.
Бұған дейін жартылай қорғаушы мұрын бітелген кезде көмектесетін тамшыларды пайдаланып келген. Соның салдарынан 90 минут бойы жоғары қарқында ойнау мүмкін болмаған.
Тұяқбаев өткен жылы «Қайраттың» негізгі құрамында дебют жасады. Қазақстан Премьер-лигасының 24-турында «Жетісудың» қақпасына гол соғып, командасының 5:0 есебімен жеңіске жетуіне үлес қосты. Сондай-ақ тараздық футболшы бірінші лигада 19 матч өткізіп, 11 гол соққан.
Алдағы уақытта алматылықтар Чемпиондар лигасының жалпы кезеңінде тағы екі ойын өткізеді. 20 қаңтарда «Брюггені» қабылдаса, 29 қаңтарда «Арсеналға» қонаққа барады.
Ислам Чесноковтың командасы қонақта жеңіске жетті