Махачев Рахмоновқа алдымен бір жеңіс керек екенін айтты
UFC-дің жартылай орта салмақтағы чемпионы Ислам Махачев қазақстандық Шавкат Рахмоновпен мүмкін болатын жекпе-жекке қатысты ойын айтты, деп хабарлайды Prosports.kz. Сұхбат барысында сұхбат алушы жанкүйерлердің көпшілігі дәл Рахмоновты чемпион үшін ең қауіпті қарсылас санайтынын жеткізді.
Махачев бұл пікірге қарсы болған жоқ, бірақ мұндай айқастың жақын арада өтуі екіталай екенін аңғартты. Оның айтуынша, Шавкат бір жылдан астам уақыт бойы жекпе-жек өткізбеген және титулдық мүмкіндік алу үшін алдымен бір кездесуде жеңіске жетуі керек.
Рахмоновтың командасы да осы ұстанымды қолдайды. Қазан айында-ақ файтердің менеджері Шавкатқа титулдық жекпе-жекке дейін аралық айқас қажет екенін ашық айтқан. Соңғы уақытта Рахмонов Хоакин Баклимен сөзге келіп қалды, енді дәл осы қарсылас оның келесі жекпе-жегіне айналуы мүмкін.