Ерсұлтан Қалдыбеков «Қайсар» сапында қалды
Қызылордалық «Қайсар» Ерсұлтан Қалдыбековпен келісімшартын ұзартты, деп хабарлайды Prosports.kz тілшісі клуб баспасөз қызметіне сілтеме жасап.
Ерсұлтанмен келісімшарт ұзартылды. Қазақстан ұлттық құрамасына кандидат футболшымыз Ерсұлтан Қалдыбековпен 2 жылдық келісімшарт жасалды. Ерсұлтан алдағы 2 маусымда «Қайсардың» намысын қорғап, клубтың алға қойған мақсатын жүзеге асыру үшін тер төгетін болады», - деп жазды қызылордалық клубтың баспасөз қызметі.
23 жастағы жартылай қорғаушы 2025 жылдың жазында «Атыраудан» ауысып, «Қайсардың» ойыншысы атанған. Қызылордалық клубтағы дебют маусымында Премьер-лигада сегіз матч өткізіп, бір нәтижелі паспен көзге түсті. «Қайсар» чемпионатты 22 ұпаймен 11-орында аяқтады.
Қазақстанның жастар құрамасы сапында Қалдыбеков 12 матч өткізіп, бір гол соқты, сондай-ақ бірнеше рет негізгі ұлттық құраманың кеңейтілген тізіміне енді.
«Қайсар» жеті футболшымен қоштасты
Қазақстан Премьер-лигасындағы ең қымбат футболшы анықталды
«Қайсар» алғашқы оқу-жаттығу жиынына қатысатын құрамын жариялады