CS2 Major қазақ тілінде: тарихи трансляция қалай өтті
Қазақстан тарихында алғаш рет CS2 бойынша Major турнирі мемлекеттік тілде толық студиялық форматта көрсетілді, деп хабарлайды Prosports.kz.
StarLadder Budapest Major 2025 турнирінің трансляциясы қазақтілді киберспорт контенті үшін рекордтық көрсеткіштер көрсетті. Көрермендердің ең үлкен қызығушылығын қазақстандық ойыншы Данил «molodoy» Голубенко өнер көрсететін FURIA командасының матчтары тудырды. Команда жартылай финалға шыға алмағанымен, жанкүйерлер қолдауы турнир бойы жоғары деңгейде сақталды. Әсіресе Natus Vincere-ге қарсы ойынды бір мезетте 8 мыңнан астам қазақстандық тамашалаған.
Жобаға титулды демеуші болған Parimatch өкілі бұл бастаманың маңызын атап өтті: қазақтілді киберспорт қауымдастығы бар ғана емес, белсенді түрде дамып келе жатқанын және сапалы контентке дайын екенін көрсетті. Осы бағытты алдағы уақытта да дамыту жоспарда бар екені айтылды.
Студиялық кастқа киберспорт пен медиа саласында танымал сегіз адам қатысты. Олардың қатарында кәсіби кастерлер Алишер worstzce, Эльдар radLE, Адильхан AkhaN, Нұржан LEOKZ, Айгера Дунамис, сондай-ақ блогерлер Таир Takata, Улан Қайраласов пен Ибра Тайкен болды. Жобаны ұйымдастырған — OINA командасы.