Сауль Ньигес «Реал» мен «Фламенго» жанкүйерлерін салыстырды
Бұрын «Атлетико» сапында ойнаған, қазір «Фламенгоның» намысын қорғап жүрген Сауль Ньигес екі клубтағы жанкүйер қолдауының айырмашылығы жайлы пікірін айтты, деп хабарлайды Prosports.kz. Оның айтуынша, мадридтік «Реал» әлемге атақты болғанымен, стадионда сезілетін атмосфера аса әсерлі емес.
Саульдің сөзінше, «Реалдың» жанкүйерлері көбіне клубтың жеңістері мен атағына байланысты жиналған. Матчқа келгенде ерекше эмоция немесе қысым сезілмейді. Ал «Фламенгода» жағдай мүлде басқа. «Маракана» стадионы үнемі лық толы, тіпті сырт алаңдағы ойындардың өзінде команда жанкүйерлерінің саны басым болып жатады.
Ол жақында «Спорт Ресифеге» қарсы өткен матчты мысалға келтірді. Сол ойында «Фламенго» жанкүйерлері сыймай қалмас үшін кездесуді басқа стадионға ауыстырған. Саульдің айтуынша, үш жарым сағаттық ұшудан кейін де, басқа елде де олардың жанкүйерлері стадионды толық толтырады. Оның пікірінше, бұл нағыз жанкүйерлік мәдениеттің көрінісі.