Видео. Сабуров әлемнің үздік боксшыларының бірімен бірге жаттықты
Танымал қазақстандық комик Нурлан Сабуров заманауи бокстың ең атақты жұлдыздарының бірі – Теренс Кроуфордпен бірге ерекше жаттығу өткізіп, күтпеген бокс оқиғасының қаһарманына айналды, деп хабарлайды Prosports.kz сайты sports24.kz-ке сілтеме жасап.
Олардың жаттығу барысынан түсірілген сәттер әлеуметтік желілерде ресейлік фотограф Эдуард Азелицкийдің арқасында тарады.
Бейнежазба Дубайда (БАӘ) өтіп жатқан IBA әлем чемпионатының ресми бағдарламасынан тыс түсірілген. Кадрларда әйгілі америкалық боксшы Сабуровпен рингте бірге жаттығып, оған техникалық кеңестер беріп, жаттығу кезінде қолдау көрсетіп жатқанын көруге болады.
Спарринг бөлігінен кейін Кроуфорд пен Сабуров рингтен тыс жерде де әңгімелерін жалғастырды. Олар бейресми жағдайда түрлі тақырыптарды талқылап, бұл жанкүйерлер мен оқырмандардың қызығушылығын одан әрі арттырды.
Еске сала кетейік, бұған дейін ұйымдардың бірінің шешімімен Теренс Кроуфорд WBC чемпиондық белбеуінен айырылып, абсолютті әлем чемпионы атағынан қол үзген болатын. Дегенмен, ол әлі де әлемдік бокстағы басты тұлғалардың бірі саналады.