Қазақстан құрамасы Ресейдегі турнирде екінші орын алды
Бірінші арна кубогының алғашқы ойын күнінде командалар 3×3 форматы бойынша өткен турнирде бақ сынады, деп хабарлайды Prosports.kz.
Қазақстан құрамасы бірінші матчта Ресейге 1:4 есебімен жол берді. Біздің команданың жалғыз шайбасын Андрей Буяльский соқты.
Екінші ойында қарсылас Беларусь құрамасы болды. Негізгі уақыт 3:3 есебімен аяқталып, шешуші буллит сериясында Батырлан Мұратов жеңіс сыйлады.
3×3 турнирінің үшінші матчында Ресей Беларусьті 6:2 есебімен ұтты. Осылайша, үш команда арасындағы кездесулердің қорытындысы бойынша Қазақстан құрамасы турнирде екінші орынды иеленді.
Новосібір қаласында өтіп жатқан турнир 14 желтоқсанға дейін жалғасады.
Бірінші Кубок арнасы: Қазақстан құрамасының нақты құрамы жарияланды
Жұлдызды қақпашы «Барыстан» кетуі мүмкін
Қазақстан құрамасының қақпашысы Америкада үздік атанды
«Барыстың» бұрынғы бапкері жұмыссыз қалды