ATP рейтингі: жас қазақстандық ерекше нәтижеге қол жеткізді
Екі қазақстандық жас теннисші дүниежүзілік ATP рейтингінде айтарлықтай прогресс тіркеді, деп хабарлайды Prosports.kz.
Қарағандылық 18 жастағы Әмір Омарханов бірден 241 орынға көтеріліп, қазіргі кезде 27 ұпайымен 859-орынға жайғасты. Бұған дейін ол 1115-орында болған, сондықтан мұндай өсім өте әсерлі көрсеткіш болып саналады.
Ал Түркістан облысынан шыққан 17 жастағы Занғар Нұрланұлы үшін жаңартылған рейтинг — кәсіби мансабындағы алғашқы көрсеткіш. Ол алғашқы екі ұпайын еншілеп, 1742-орынға орналасты.
Қазақстандықтардың мұндай табыстары ITF M15 сериясындағы соңғы турнирлермен байланысты.
Омарханов Тунисте өткен жекелей турнирде алғаш рет чемпион атанып, кейін екінші жарыстың жартылай финалына дейін жетті. Ол №585 ATP рейтингіндегі француз Томас Фаурельге 3:6, 1:6 есебімен жол берді.
Занғар Шарм-эль-Шейхтегі (Египет) дебюттік турнирінде 1/4 финалға шықты, ал келесі жарыстың алғашқы кездесуінде үш сағатқа жуық күрескенімен, №831 ATP рейтингіндегі ресейлік Артур Кукасьянға 6:7, 6:7 есебімен есе жіберді.
Бублик пен Грикспор ресейлік жұпты айқын басымдықпен ұтты
Ник Кирьос: «Саболенкоға қарсы матч — жай шоу емес»
Қазақстандық теннисші Исламабад турнирінің жеңімпазы атанды
Қазақстандық жас теннисші финалға шыға алмады