«Аякс» жанкүйерлері Нидерланды лигасының матчын бұзды. ВИДЕО
Эредивизияның 14-ші турының «Аякс» пен «Гронинген» арасындағы ойыны Амстердам командасының жанкүйерлерінің Йохан Кройфф Аренасының трибунасында пиротехникалық заттарды қолдануына байланысты үзілді, деп хабарлайды Prosports.kz.
Ойын небәрі бес минутқа созылды. Бастапқы 40 минуттық үзілістен кейін төреші командаларды алаңға қайтарды, бірақ ойын қайта жалғасқаннан кейін бірден жанкүйерлер қайтадан пиротехникалық заттарды қолданып, алаңға лақтыра бастады.
Ақырында төреші қауіпсіздік мақсатында командаларды алаңнан алып кетті. Екінші үзілістен кейін ойын біржола үзілді және бүгін қайта жалғаспайды.
Жергілікті БАҚ-тың хабарлауынша, жанкүйерлер жақында қайтыс болған жанкүйерді еске алу үшін матчта пиротехникалық шоу өткізді.
Нидерланды футбол қауымдастығы матч 2 желтоқсанда аяқталатынын және жабық есік жағдайында өтетінін хабарлады.
Ла Лигада көшбасшы ауысты. «Реал Мадрид» сырт алаңда ұпай жоғалтты
«Милан» Италия чемпионатында бірінші орынға шықты
Лионель Месси тарихта ең көп голдық пас берген футболшы атанды