Дидар Әмірәлі - Каирдегі әлем чемпионатының қола жүлдегері
Бүгін Мысыр астанасы Каирде өтіп жатқан жекелей сындағы әлем чемпионатында Қазақстан қоржынына алғашқы жүлде түсті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Кумитеден -67 кг салмақта қола медаль үшін айқаста отандасымыз Дидар Әмірәлі мен чилилік Фрейре Фуэнтес Томас күш сынасты. Қарсыластың қатаң ереже бұзуына байланысты Халықаралық каратэ федерациясының (WKF) шешімімен Чили спортшысы айқастан шеттетіліп, жеңіс Дидар Әмірәліге берілді.
Ұлттық құрама спортшысының Каирдегі жекпе-жектеріне шолу:
Топтық кезең:
Дидар Әмірәлі - Мұхаммед Оздемир (Тунис) 1-2
Дидар Әмірәлі - Озер Омер Абдурахим (Түркия) 2-2.
Дидар Әмірәлі- Уильямс Жоди (Оңтүстік Африка) 7-0.
1/8 кезең: Әли Ельсави (Мысыр) 5-4.
Ширек финал: Саид Убая (Марокко) 5-5.
Айта кетейік, Дидар осыған дейін 2023 жылы Мажарстан астанасы Будапеште өткен әлем чемпионатында осы салмақта 3-орын алған. Бұл - оның екінші медалі.
WKF каратэ елімізде бұқаралық сипат алған спорт түрінің қатарында. Бүгінде мемлекет тарапынан барлық жағдай жасалып келеді әрі биыл ҚР Туризм және спорт министрлігі бекіткен жоғары жетістіктер спорты түрлерінің тізіміне енді. WKF каратэ Азия ойындары, Дүниежүзілік ойындар, Ислам Ынтымақтастығы және ТМД елдері ойындары сынды көптеген кешенді жарыстың бағдарламасында бар.