Бексұлтан Мақыштың командасы Канада лигасындағы матчта жеңіске жетті
Қазақстандық Бексұлтан Мақыш ойнайтын «Виндзор Спитфайрз» командасы OHL (Онтарио хоккей лигасы) тұрақты маусымының ойынында сырт алаңда «Оуэн Саунд Аттак» командасын жеңді, деп хабарлайды Prosports.kz.
Ойын қонақтардың пайдасына 3-2 есебімен аяқталды.
Жеңіске жеткен команда қатарынан Лиам Гринтри, Эндрю Робинсон және Итан Гарден, алаң қожайындары қатарынан Уэсли Ройстон мен Николас Сикора гол соқты.
«Виндзор Спитфайрз» командасының 17 жастағы қазақстандық шабуылшысы Бексұлтан Мақыш бұл жолы гол соға алмады. Осы маусымдағы 28 ойында 18 ұпай (7 гол, 11 пас) жинады.
«Виндзор Спитфайрз» командасы Батыс конференциясында бірінші орында тұр.
Еске сала кетейік, Онтарио хоккей лигасы (OHL) Канаданың үш ірі жасөспірімдер хоккей лигасының бірі. Лигада 15 жастан 20 жасқа дейінгі хоккейшілер ойнай алады.
Жеті шайбы соғылған матчта «Барыс» жеңіліс құшты