Кирьос «Битва полов» ойынына шын мәнінде дайындалатынын айтты
Ник Кирьос алдағы Арина Соболенкоға қарсы өтетін «Битва полов» матчын аса жауапкершілікпен қабылдап отырғанын айтты, деп хабарлайды Prosports.kz.
28 желтоқсанда Дубайда өтетін бұл көрсетілімдік кездесу Evolve агенттігінің ұйымдастыруымен өтеді. Агенттіктің тең құрылтайшысы Наоми Осака — екі спортшының да мүддесін қорғайды.
Кирьостың айтуынша, бұл матч тек маркетинг үшін жасалған жоба емес. «Жақында Гонконгте болдым, онда көптеген ер теннисшілер: «Сен бәріміздің атынан шығасың» деді. Тағы да назардың ортасындамын. Сынға үйренгенмін, бірақ нәтиженің қандай болатынына қарамастан, бұл ойынға қатты ынталанып жүрмін. Қанша жарақат алып, қандай қиын кезеңдерден өтсем де, әлі де жоғары деңгейде ойнай алатынымды көрсеткім келеді», — деді ол.
Австралиялық теннисші өзіне ерекше мәнге ие болған жалғыз жеңісін де еске алды. Бұл — маусымдағы жалғыз жеңісі: Майамидегі алғашқы айналымда Маккензи Макдональдты 3:6, 6:3, 6:4 есебімен ұтқан сәт. «Сол матчта өзімді бұрынғыдай мықты сезіндім. Жылдар бойы жарақатпен күрестім, оңалту оңай болған жоқ. Сол қиындықтан кейін Masters турнирінде матч ұту — мен үшін өте қымбат жеңіс», — деді Кирьос.