Фабрицио Романо Дастан Сәтпаев жайлы мәлімдеме жасады
Танымал италиялық инсайдер Фабрицио Романо Қазақстан құрамасы мен «Қайраттың» шабуылшысы Дастан Сәтпаев туралы пікірімен бөлісті, деп хабарлайды Prosports.kz.
«Дастан Сәтпаев Чемпиондар Лигасындағы матчта гол соққан алғашқы қазақстандық болды.
Ол «Челсимен» болашақ трансфер үшін келісімшартқа отырды — бұл клубтың келесі үлкен жетістігі», — деп жазды журналист өзінің әлеуметтік желідегі аккаунтында.
Айта кету керек, «Қайрат» Чемпиондар Лигасының бесінші турында «Копенгагеннен» 2:3 есебімен жеңіліске ұшырады. 81-минутта алматылық шабуылшы даниялық қақпашының қателігін пайдаланып, «Копенгагенге» гол соқты. Осылайша, ол Чемпиондар Лигасында жалпы гол соққан алғашқы қазақстандық болды, турнир тарихындағы ең жас гол соққан үш ойыншының қатарына енді.
Дастан Сәтпаевтың голы жеңіс үшін жеткіліксіз болды