Астанадағы ойын: «Авангард» «Барысты» айқын есеппен жеңді
Астанада «Барыс-Аренада» өткен КХЛ-дың тұрақты маусымындағы матчта «Барыс» омскілік «Авангардты» қабылдады, деп хабарлайды Prosports.kz. Ойын 5:2 есебімен қонақтардың пайдасына аяқталды.
«Авангард» сапында Василий Пономарёв пен Михаил Котляревский дубль жасап, тағы бір шайбаны Михаил Гуляев енгізді. «Барыс» тарапынан Алихан Өмірбеков пен Макс Уиллман мергендік танытты. Матчтың ең есте қалар сәті — омскілік клубтың 25-минутта 40 секунд ішінде үш шайба соғып, КХЛ тарихындағы өздерінің жаңа рекордын орнатуы.
Үшінші шайбадан кейін «Барыстың» бастапқы қақпашысы Адам Шилдің орнына Андрей Шутов тұрды.
Бұл жеңіс «Авангардтың» қатарынан төртінші рет ұтуы болса, «Барыс» үш матчтық жеңіс сериясын үзе алмады.
Матч есебі:
«Барыс» — «Авангард» 2:5 (0:1, 1:4, 1:0)
Шайбалар:
0:1 — Пономарёв (02:02)
0:2 — Котляревский (24:07)
0:3 — Гуляев (24:26)
0:4 — Пономарёв (24:47)
0:5 — Котляревский (35:14)
1:5 — Өмірбеков (38:12)
2:5 — Уиллман (57:46)
Қақпашылар:
Шил (24:26 минутқа дейін), Шутов — Мишуров