«Зұлпықар» үшінші раундта Пересті тұншықтырып жеңді
Аса жеңіл салмақтағы қазақстандық файтер Асу Алмабаев (22-3) UFC Fight Night турнирінде Катарда октагонға шықты, деп хабарлайды Prosports.kz.
Алтыншы жұпта оған қарсы бұрын чемпиондыққа таласқан тәжірибелі америкалық Алекс Перес (25-9) тұрды.
Алғашқы раундта екі жақ та бастаманы тартысып, тең дәрежеде өтті — айқын басымдық байқалмады.
Екінші раундтың бірінші жартысында Перес бірнеше тейкдаунды оңай өткізіп, айқасты өз қолына ала бастады. Осы сәтте жекпе-жек судья шешімімен аяқталуы мүмкін деген ой туындады.
Алайда үшінші раундта «Зұлпықар» дәл өзіне тән мінез көрсетіп, жойқын камбэк жасады: Алмабаев қарсыласын стойкада қатаң гильотинаға түсіріп, жанкүйерлерді таңғалдырған жеңіске жетті.
Бұл — Асудың UFC-дегі жеті жекпе-жегінің алтыншысы.
Бекзат Алмахан Дохадағы жекпе-жекте ұпаймен ұтылды
«Сенімді жеңуі керек». ММА файтері Алмабаевтың UFC-дегі жекпе-жегі туралы пікір білдірді