Босниялық бапкер Қазақстанда жұмыс істеу мүмкіндігін жоққа шығармады
Босниялық бапкер Владимир Слишкович жақында «Оренбург» клубынан кеткеннен кейін Қазақстан командаларының тарапынан болуы мүмкін қызығушылыққа қатысты пікір білдірді, деп хабарлайды Prosports.kz тілшісі Legalbet.kz сайтына сілтеме жасап.
«Қазақстаннан ба? Әзірге жоқ. Өзіме ол жақта жұмыс істеу қызық болар ма еді? Бұл туралы ойланбадым. Егер қызық ұсыныс түссе, неге болмасқа?» – деді Слишкович.
42 жастағы маман «Оренбург» клубын 2024 жылдың қазанынан 2025 жылдың қазанына дейін жаттықтырды. Бұған дейін Мәскеудің «Спартак» клубында бас бапкердің міндетін атқарушы болды. Әр жылдары Слишкович Боснияның «Зриньски», Сауд Арабиясының «Әл-Ансар», Қытайдың «Циндао Чжуннен» және «Хунань Биллоуз» клубтарында, сондай-ақ Босния және Герцеговина U16 құрамасында жұмыс істеген.
Қазақстан құрамасы элиталық кезеңге өтті
Дінмұхаммед Қашкен «Қайратта» неге қалмағанын түсіндірді