Қазақстан жасөспірімдер құрамасы элиталық кезеңге өтті
Қазақстанның 19 жасқа дейінгі жасөспірімдер футбол құрамасы өз жас санатындағы Еуропа чемпионатының іріктеу кезеңінің элиталық раундына жолдама алды, деп хабарлайды Prosports.kz тілшісі Sport+ сайтына сілтеме жасап.
Соңғы ойын күнінде Кирилл Кекердің шәкірттері Кипр құрамасымен 1:1 есебінде тең ойнады. Қазақстан құрамасының жалғыз голын Мансур Бірқұрманов соқты. Осылайша 4 ұпай жинаған қазақстандық жас футболшылар өз іріктеу тобында екінші орынға ие болды.
Бұған дейін Қазақстан құрамасы сенсациялық түрде Ирландияны жеңіп, алаң иелері әрі бас фаворит Нидерландтардан ұтылған болатын.
Бұл — қазақстандық жасөспірімдердің Еуропа чемпионатының элиталық раундына алғаш рет шығуы. Келесі кезеңнің жеребесі желтоқсан айында өтеді, ал матчтар 2026 жылдың наурызында басталады.
Дінмұхаммед Қашкен «Қайратта» неге қалмағанын түсіндірді