«Барыс» сырт айдында «Сочиді» жеңді
Дүйсенбі, 17 қараша күні Құрлықтық хоккей лигасының тұрақты чемпионаты аясында қазақстандық «Барыс» «Сочиге» қонаққа барды, деп хабарлайды Prosports.kz.
Сочилік команда Батыс конференциясының турнирлік кестесінде соңғы орында тұр, ал бүгінгі қонақтар Шығыста сегізінші орында келеді.
Бірінші кезеңде алаң иелері канадалық форвард Жан-Кристоф Боденнің күшімен есепті ашты.
Астаналықтардың есепті теңестіруіне шамамен жарты сағат уақыт кетті. Екінші кезеңнің соңына таман қазақстандық Кирилл Панюков Тайс Томпсонның пасынан кейін жасалған жылдам әрекетпен таблодағы есепті теңестірді.
Панюков үшін бұл шайба осы маусымдағы төртінші голы болды және Астанадан тыс жерде соққан алғашқы шайбасы саналады.
Барлығы овертаймда шешілді. Онда «Барыс» құрамындағы америкалық Тайс Томпсон астаналықтарға сырт айдындағы қатарынан екінші жеңісті сыйлады — 1:2 ОТ (1:0, 0:1, 0:0, 0:1).
Қазақстандық хоккейші Финляндия чемпионатында шайба соқты
«Барыс» қақпашысы ерекше нәтиже көрсетті