Елордалық «Барыс» сырт айдындағы матчтың аннонсын жариялады
«Барыстың» қысқа сырт алаңдағы ойын сериясындағы алғашқы аялдамасы Ярославльде өтеді, деп хабарлайды Prosports.kz тілшісі клуб баспасөз қызметіне сілтеме жасап.
Қазан айында өткен маусымдағы алдыңғы кездесуде астаналықтар өз мұз айдынында «Локомотивтен» 1:5 есебімен жеңілді.
Боб Хартлидің ойыншылары «Спартакқа» (6:3) қарсы сырт алаңдағы жеңістен кейін өз алаңындағы серияны бастайды. Мартин Гернат дубль жасап, Павел Красковский, Максим Шалунов, Никита Кирьянов және Егор Сурин бір-бір шайба соқты. Даниил Исаев қақпаға бағытталған 23 соққыны қайтарды. Бас бапкер ойын тәртібіне көңілі толмағанын, бірақ әсіресе үшінші кезеңдегі бес минуттық айып кезінде азшылықта сенімді ойнағаны үшін командасына алғыс айтқанын атап өтті.
26 матчта «Локомотив» 38 ұпай жинап, Батыс конференциясының көшбасшылары қатарында келеді. Команданың ең нәтижелі ойыншысы Александр Радулов (12+13) қазіргі чемпионаттың ең пайдалы хоккейшілері рейтингінде бірінші орында тұр (+21). Даниил Исаев сенімділік коэффициенті (1,92) мен сэйв пайызы (92,9) бойынша үздік қақпашылар қатарында. Жарақат алғандар тізімінде қорғаушы Андрей Сергеев пен шабуылшылар Александр Волков және Рихард Паник бар.
Өткен турда «Барыс» өз алаңында «Металлургке» 1:4 есебімен жол берді. Әлихан Әсетов маусымдағы алғашқы шайбасын соқты. Андрей Шутов пен Адам Шил бірігіп 34 соққыны қайтарды. Михаил Кравец командасының азшылықта ойыны жақсы болғанын, сондай-ақ үшінші кезеңде матчтың нәтижесін өзгертуге мүмкіндік болғанын айтты.
26 ойында қазақстандық команда 21 ұпай жинады. Райли Уолш пен Майкл Веккьоне – астаналықтардың ең нәтижелі ойыншылары (екеуі де 7+12). Жарақат алғандар тізімінен шабуылшылар Максим Мұхаметов пен Эмиль Галимов шықты.
«Барыс» – «Локомотив» матчы 19:00-де, Астана уақытымен басталады.
«Горняк» «Ертісті» сенімді жеңді
Қазақстан құрамасы Азия чемпионаты алдында бапкерлік құрамын күшейтті
Қазақстандық қақпашының командасы Канададағы матчта жеңіліс құшты
Қазақстандық хоккейші АҚШ-тың ең мықты лигасында дебютін өткізеді