Елена Рыбакина WTA Финал турнирінде тарих жасады
Қазақстандық теннисші Елена Рыбакина (WTA №6) Эр-Риядта өткен WTA 2025 маусымының қорытынды турнирінде топ жарып, әлем теннисі тарихына атын жазды, деп хабарлайды Prosports.kz.
Финалда Елена әлемнің бірінші ракеткасы Арина Соболeнканы 7:5, 7:6 (7:0) есебімен ұтып, тарихтағы ерекше нәтижеге қол жеткізді. Екінші сеттегі тай-брейк WTA Финал турнирінің тарихында алғаш рет «құрғақ» 7:0 есебімен аяқталды.
Рыбакина бұл турнирде бірде-бір кездесу ұтылмай, қатарынан бес жеңіс тіркеді. Осы жетістігі арқылы ол әйелдер теннисі тарихындағы ең ірі жүлде сомасын — 5,235 миллион доллар (шамамен 2,75 миллиард теңге) иеленді.
Эр-Риядта өткен турнир барысында Елена Аманда Анисимова (№4), Ига Швентек (№2), Екатерина Александрова (№10) және Джессика Пегуланы (№5) тізе бүктірді. Бұл жеңіс Рыбакина мансабындағы алғашқы Финал турнирінің титулы болып, оның есімін әлемдік WTA тарихында ерекше орынға шығарды.
19 жастағы қазақстандық теннисші АҚШ-тағы жарыста үшінші кезеңге өтті
Теннис аңызы қазақстандық спортшыға қолдау көрсетті
Қазақстандық теннисші Мысырдағы турнирдің ширек финалына шықты