Тевзадзе мен Салайдин маусымдағы ең төзімді ойыншылар атанды
Аяқталған 2025 жылғы Қазақстан Премьер-лигасында тек екі футболшы маусым бойы барлық 26 матчты толық ойнады, деп хабарлайды Prosports.kz Meta-Ratings.kz сайтына сілтеме жасап.
Бұл көрсеткішке «Жеңіс» қақпашысы Зураб Тевзадзе мен «Қайсар» қорғаушысы Нұрымжан Салайдин қол жеткізді.
KazFootball.kz мәліметінше, биылғы маусымда барлығы 13 ойыншы чемпионаттың барлық кездесулеріне қатысты. Салыстыру үшін: 2024 жылы – 15, 2023 жылы – 13, 2022 жылы – 4, 2021 жылы – 6, ал 2020 жылы – 7 футболшы толық маусым ойнаған.
Тағы 11 ойыншы әр матчта алаңға шыққанымен, кем дегенде бір рет алмастырылған. Олардың қатарында «Қайрат» ойыншылары Жоржиньо мен Дастан Сәтпаев, «Астанадан» Чинеду Джеффри, Усман Камара және Назми Грипши, сондай-ақ Наурызбек Жағұров («Тобыл»), Неманья Чаласан («Елімай»), Лука Имнадзе («Ордабасы»), Даурен Жұмат («Оқжетпес»), Багдат Данияров («Ұлытау») және Нұрдәулет Ағзамбаев («Қайсар») бар.
Виктор Кумыков ұлттық құраманы кім баптауы керектігін айтты
«Қайрат» Фарер аралдарына қарсы ойын алдында өзінің төрт футболшысын қайтарып алады