Қазақстандық файтер шетелдік лигамен келісімшартқа отырды
Қазақстандық бұрынғы UFC файтері Дамир Исмағұлов (27-4) Karate Combat каратэ лигасымен келісімшартқа отырды, деп хабарлайды Prosports.kz сайты промоушнның баспасөз қызметіне сілтеме жасап.
«Жаңа келісімшарт! Дамир Исмағұлов енді тізімде.
UFC файтерінің 27-3 кәсіби рекорды бар.
Жақында тағы да жаңалықтар болады, бірақ әзірге Karate Combat-қа қош келдіңіз!» делінген лиганың Instagram-дағы жазбасында.
Айта кетейік, промоушнның штаб-пәтері БАӘ, Дубай қаласында орналасқан, бірақ ұйым бүкіл әлем бойынша турнирлер өткізеді. Karate Combat бұған дейін ресейлік этникалық қазақ Ильяс Хамзин (13-5) қатысатын титулдық жекпе-жек туралы хабарлаған болатын.
Исмағұловтың кейінгі ММА жекпе-жегі 2025 жылдың 27 мамырында өтті. Ол Астанада (Қазақстан) Alash Pride FC 108 турнирінде өнер көрсетті, онда ол негізгі жекпе-жекте бразилиялық файтер Алан Патрикті (15-5) екінші раундта техникалық нокаутпен жеңді.