Велоспорт. Гуанси туры. «Астана» шабандозы бірінші кезеңде екінші орын алды
Маусымның соңғы Әлемдік тур жарысы – Қытайда өткен Гуанси турының алғашқы кезеңі жаппай спринтпен аяқталды, деп хабарлайды Prosports.kz сайты команданың баспасөз қызметіне сілтеме жасап.
Соңғы 500 метрде жаппай құлау орын алды, бірақ, бақытымызға орай, XDS Astana Team командасының ешбір шабандозы зардап шеккен жоқ.XDS Astana Team командасының шабандозы Макс Кантер мықты спринт жасап, мәреде Поль Маньеден кейін екінші орынды иеленді.
«Бүгінгі кезең спринтпен аяқталатыны алдын ала белгілі болды, сондықтан басты мақсат – күн бойы сабыр сақтап, финалға дейін барынша күш жинау болды. Команда мені жақсы қорғады, пелотонда дұрыс позицияда ұстады, су жеткізіп отырды. Соңғы екі километрде алға жылжып, соңғы бұрылыстан жақсы позицияда өттік. Содан кейін мен спринтті бастадым және екінші болып келдім. Бұл біз үшін жарыстың жақсы басталуы деп ойлаймын», – деді Макс Кантер.
«Астана» Италиядағы жарысқа қатысатын құрамын жариялады
«Астана» шабандозы Германиядағы жарыста мәреге 12-болып жетті