Жәнібек Әлімханұлы қазіргі чемпиондарға қарсы жағымсыз пікір білдірді
WBO және IBF тұжырымдары бойынша орта салмақтағы әлем чемпионы Жәнібек Әлімханұлы алдағы жекпе-жегі қарсаңында жазба жариялады, деп хабарлайды Prosports.kz.
Бұл жөнінде қазақстандық боксшы өзінің әлеуметтік желісінде жазды.
«Нағыз чемпион төрт титулдың бәрін иеленуге ұмтылуы керек! Егер сенде 1-2 ғана белбеу болса демек, салмағыңда басқа да чемпиондар әлі бар деген сөз.
Чемпион ешқандай титулды өзгеге қалдырмай, барлығын жинауға тырысуы керек! Чемпиондық ұстаным осындай болу шарт деп есептеймін», — деп жазды боксшы.
Шетелдік ақпарат көздерінің мәліметіне сенсек «Qazaq style» атанған былғары қолғап шебері 6 желтоқсанда WBA белбесуін жеңіп алу үшін кубалық Эрисланди Ларомен қолғап түйістіреді.
Қазіргі уақытта Жәнібек АҚШ-та алдағы жекпе-жекке дайындығын бастап кетті. Ол алдағы жекпе-жекің сәтті өтетініне толық сенімді болып отыр.
«Жақында... жеңіл жұмыс!», — деп жазды Жәнібек Х әлеуметтік желісіне.
Әлімханұлы соңғы жекпе-жегін 5 сәуірде Астанада өткізіп, француз боксшысы Анауэль Нгамиссенгуды нокаутқа түсірген болатын. Лара соңғы рет 2024 жылдың 14 қыркүйегінде мексикалық Сауль «Канело» Альварес пен америкалық Эдгар Берланганың андеркардында Лас-Вегаста жекпе-жек өткізіп, әлемнің бұрынғы екі дүркін чемпионы Дэнни Гарсияны жеңді.
Ресми: Жәнібек Әлімханұлы чемпиондық жекпе-жек өткізеді
Жәнібек Әлімханұлы желтоқсанда жекпе-жек өткізуі мүмкін. Қарсылас белгілі
Канелоның командасында жүрген қазақ боксшысы алғашқы бапкеріне автокөлік мінгізді