Құрамада жарақат алған Мбаппе «Реал Мадридке» оралды
Франция құрамасының шабуылшысы Килиан Мбаппе Әзербайжанға қарсы өткен (3:0) матчта жарақат алып, 2026 жылғы әлем чемпионатының іріктеу кезеңі аясындағы кездесуден кейін «Реал Мадрид» сапына оралады, деп хабарлайды Prosports.kz.
Ойыншы ұлттық құраманың оқу-жаттығу жиынынан мерзімінен бұрын кетіп, жарақатынан айығу үшін өз клубына қайтуға мәжбүр болды. «Реал» мен Франция құрамасы арасында Мбаппе алаңда қанша минут ойнауы тиіс екені жөнінде ешқандай келісім болмаған, алайда мадридтік клуб оның матчтың басым бөлігін ойнағанына таңғалған. Себебі ол клубтан кетер алдында-ақ жайсыздық сезінген және тобық жарақаты туралы ресми медициналық есеп те жарияланған болатын.
Сонымен қатар, Килианның тобық жағдайы құрамадан кеткенге дейінгіден де нашарлап кеткені хабарланды.
Еске салайық, Аргентина құрамасы сапында «Реалдың» тағы бір шабуылшысы Франко Мастантуоно да жарақат алған еді. Ол да Мбаппе сияқты клубқа оралды.
Англияның үш клубы «Лейпциг» қорғаушысын қатарына қосқысы келеді