Райан Гарсия Головкинді Даңқ залына қосуға қарсы шықты
Америкалық боксшы Райан Гарсия қазақстандық бұрынғы әлем чемпионы Геннадий Головкиннің Халықаралық бокс даңқ залына енгізілуіне қарсы пікір білдірді, деп хабарлайды Prosports.kz.
Гарсияның айтуынша, Головкиннің жетістіктері асыра бағаланған: «Головкин ешқандай нағыз ірі жеңіске қол жеткізген жоқ. Ол жалпы кімді жеңді? Иә, ол супержұлдыз болды және ұзақ уақыт бойы көз алдымызда жүрді, бірақ бұл оны аңызға айналдырмайды. Даңқ залы — бұл танымалдық емес, бокс тарихына әсер ету туралы», — деді Гарсия InsideTheRingShow бағдарламасына берген сұхбатында.
Кейін боксшы өз ұстанымын әлеуметтік желіде нақтылап өтті: «Даңқ залы — ерекше жетістік. Маған кімнің енгізілетіні бәрібір, бірақ менің ойымша, ол жерге тек боксты шын мәнінде өзгерткен адамдар ғана енуі керек».
Еске сала кетейік, Геннадий Головкин (42–2–1) IBF, WBA және WBC тұжырымдары бойынша чемпиондық белбеулердің иегері болған және қазіргі уақытта Бокс даңқ залына енгізуге үміткер саналады.
Бұған дейін, 2025 жылдың мамырында, Гарсия Роландо Ромеромен өткен жекпе-жекте төрешілердің бірауыздан шешімімен жеңілген еді.
«Ауруханаға түсер едім». Голливуд жұлдызы абсолют чемпионмен рингке шығуы жайында айтты