«Реал» мені таңғалдырды». Дмитрий Огай «Қайрат» - «Реал Мадрид» матчы туралы
30 қыркүйекте Алматыда қазақстандық футбол үшін тарихи матч өтті. Чемпиондар лигасы аясында жергілікті «Қайрат» мадридтік «Реалды» қабылдап, алматылықтар 0:5 есебімен жеңілді.
Бұрынғы танымал қазақстандық футбол маманы Дмитрий Огай Prosports.kz сайтына алматылық команданың голсыз жеңілісінің себепбі туралы пікір білдірді.
– «Қайраттың» дайындығы болды: матч басында қарсыласына барынша қысым жасау, себебі ол кезде «Реал» оған дайын болмауы мүмкін еді. Сәтпаевтың баспен соққы жасау мүмкіндігі туды: егер сәл дәл түссе, гол болатын еді. Кейін пенальти белгіленді: төреші VAR-ды қарап, оны жоққа шығарды. Шынын айтсақ, мүмкіндік аз еді – мұны түсінеміз. Ойын толықтай «Реалдың» бақылауында өтті, бұл айқын көрінді.
«Реалдың» ойынын ешқашан өз көзіммен көрмеп едім, ал олардың жекелей деңгейі мені таңғалдырды. Өз көзіңмен көру мен теледидардан қарау – мүлдем бөлек нәрсе, – деді маман.
Чемпиондар лигасындағы келесі матч 21 қазанда Алматыда өтеді. «Қайраттың» қарсыласы кипрлік «Пафос» болады.
«Қайрат» пен «Реал Мадрид» матчының онлайн-көрсетіліміндегі ақаудың себебі аталды
Мбаппе: «Алматыдағы жеңіс дербидегі жеңілісті ұмыттырмайды»
Дастан Сатпаев: «Бізге ең алдымен халықаралық тәжірибе жетіспейді»