Егор Сорокин «Реалға» қарсы ойын алдындағы ойымен бөлісті
«Қайраттың» ресейлік қорғаушысы Егор Сорокин Чемпиондар лигасының жалпы кезеңіндегі екінші турда «Реалға» қарсы өтетін матч алдындағы пікірін білдірді, деп хабарлайды Prosports.kz..
Кездесу 30 қыркүйекте Алматыдағы «Орталық» стадионда өтеді. Ойын астана уақытымен 19:45-те басталады.
— Дайындығымыз қалыпты жүріп жатыр, әр ойынға қалай дайындалсақ, бұл матчқа да солай әзірленудеміз. Алматыда «Реалға» қарсы кездесуді асыға күтіп отыр, өте қызықты ойын болады деп ойлаймын. Біз бұл матчқа барынша жауапкершілікпен, шоғырланып шығамыз. «Реалдың» шабуыл шебінде ерекше назар аударатын ойыншылар бар. Қарсыласты толық талдап, бапкерлеріміз бағыт-бағдар береді, — деді Сорокин.
— Ойынға туыстарыңыз келе ме? — Иә, анам ұшып келеді. Отбасымызға билеттер бөлінді. Бұл — барлық клубта бар қалыпты тәжірибе, — деді қорғаушы «Чемпионатқа» берген сұхбатында.
«Барселона» сырт алаңда жеңіске жетті