Канелоның командасында жүрген қазақ боксшысы алғашқы бапкеріне автокөлік мінгізді
Екінші орта салмақта жұдырықтасатын қазақстандық Бек Нұрмағанбет өзінің бірінші бапкеріне автокөлік мінгізді, деп хабарлайды Prosports.kz сайты 1bol.kz-ке сілтеме жасап.
Бекке бокстың әліппесін үйреткен Ахмет Керімжанов күні бүгінге дейін балаларды спортқа тәрбиелеп келеді. Жуырда ол үй салып, қоныс тойын тойлаған. Салтанатты кешке АҚШ-тан арнайы келген Бек Нұрмағанбет бапкерге тосын сый жасап, көңілін босатқан.
«Бұл - алғашқы машинаңыз. Жетістікке жетіп жатсақ салоннан барып жаңасын алып беремін», - деді боксшы өзінің бірінші бапкеріне Toyota Camry автокөлігінің кілтін табыстады.
Бек Нұрмағанбет мексикалық даңқты боксшы Сауль «Канело» Альварестің командасында жаттығып жүр. Ол кәсіпқой рингте 15 жекпе-жек өткізіп, бәрінде жеңіске жеткен, 13-і нокаутпен.
IBA ұйымы ерлер арасындағы әлем чемпионатын өткізетінін мәлімдеді
World Boxing президенті отставкаға кетсе Головкин басты үміткер атанады