19 жастағы Ксения Балабаева шахматтан өткен әлем чемпионында топ жарды
19 жастағы қазақстандық Ксения Балабаева Перудің Лима қаласында өтіп жатқан 20 жасқа дейінгі жастар арасындағы жылдам шахматтан әлем чемпионатында жеңімпаз атанды, деп хабарлайды Prosports.kz.
Отандасымыз 9 турдан тұратын бәсекеде 7 ұпаймен жинады. Соңғы күні ол Умида Омонованы жеңіп, Анна Журова және Афруза Хамдамовамен тең түсті. Бұл нәтижелер қазақстандық шахматшыға мерзімінен бұрын бірінші орынды қамтамасыз етуге мүмкіндік берді.
Жүлдегерлер үштігіне сонымен қатар Хамдамова (Өзбекстан, 6,5 ұпай) және Варвара Полякова (FIDE, 6,5 ұпай) кірді. Қазақстан атынан өнер көрсеткен басқа шахматшылардан Әмина Қайырбекова 7-орынға (6 ұпай), ал Лия Құрманғалиева 12-орынға (5 ұпай) ие болды.
Қазақстан Ұлттық Олимпиадалық комитетінде сумо аңызы Хакухо Сёмен кездесу өтті
Қазақстандық спортшылар 2028 жылғы олимпиадаға дайындалу мақсатында ХОК стипендиясына ие болды