«Барселона» өз алаңында «Хетафені» жеңді
Испания Ла Лигасының бесінші турындағы «Барселона» мен «Хетафе» кездесуі аяқталды, деп хабарлайды Prosports.kz.
Командалар Сан-Жоан Деспидегі Йохан Кройф стадионында ойнады. Бильбаолық Де Бургос Бенгоетсеа төрешілік етті. Блауграна 3:0 есебімен жеңісті тойлады.
15-минутта «Барселонаның» шабуылшысы Ферран Торрес жартылай қорғаушы Дани Ольмоның пасынан кейін есеп ашты. Торрес 34-минутта дубль авторы атанды. 62-минутта Рафиньяның орнына шыққан Маркус Рэшфордтан пас алған Ольмо қорытынды есепті тіркеді.
Барселона жалпы ұпайларын бес турдан 13-ке дейін ұлғайтты. Каталониялықтар турнирлік кестеде көш бастап тұрған «Реал Мадридтен» екі ұпайға қалып, екінші орында тұр. «Хетафе» тоғыз ұпаймен жетінші орында.
MLS: Месси сұрмергендер сайысында көш бастады