УЕФА «Қайраттың» қақпашысы туралы маңызды мәлімдеме жасады
Алматылық «Қайрат» Чемпиондар лигасының жалпы кезеңіндегі алғашқы матчында Лиссабонда Португалияның «Спортингіне» 1:4 есебімен жол берді. Дебюттік кездесуде жас қақпашы Шерхан Қалмұрза ерекше көзге түсті. Тіпті, португалиялықтардың капитаны Мортен Юльманн орындаған пенальтиді тойтару арқылы өз командасын біраз уақыт бойы қорғап тұрды, деп жазады Prosports.kz сайты 1bol.kz-ке сілтеме жасап.
УЕФА матчты талдай отырып, «Қайраттың» алғашқы ойынын атап өтті:
«Спортинг» тағы да, былтырғыдай, жалпы кезеңді өз алаңындағы сенімді жеңіспен бастады. Жалпы кезеңдегі дебютін өткізген „Қайрат“ қақпасында 18 жастағы Қалмұрзаның тамаша ойынының арқасында біраз уақыт бойы гол жібермей тұрды. Бұл көрсеткіш өткен маусымда Лиссабонда бірінші турда ойнаған француздық «Лилльдің» нәтижесінен де асып түсті. «Спортинг» әрдайым келесі кезеңге өтуді мақсат етеді, алайда алматылықтарға да алдағы ойындарда өз еңбегімен келген сәттілік серік болсын», — деп жазады сайт.
Сонымен бірге, басылым қақпашы Шерхан Қалмұрзаға жеке тоқталды:
«Тринкауға жас қақпашы Қалмұрзаны қапы қалдыру оңай болған жоқ, ал Юльманн пенальтиді жүзеге асыра алмады. Үзілістен кейін қонақтар ойынға сергек оралғанымен, үш минут ішінде қатарынан үш гол өткізіп, үмітін үзді. Дегенмен қосалқы құрамнан шыққан Эдмилсон гол соғып үлгерді», - делінген УЕФА сайтындағы жазбада.
«Қайрат» Чемпиондар лигасында «Спортингке» жол берді
Transfermarkt Зайнутдинов, Әліп және Самородовтың бағасын жаңартты