Эдди Хирн: «Matchroom-ды сату тек біздің шарттармен ғана мүмкін»
Британдық промоутер Эдди Хирн Сауд Арабиясының Бас ойын-сауық басқармасының жетекшісі әрі The Ring журналының иесі Турки әл аш-Шейх Matchroom промоутерлік компаниясын сатып алуға қызығушылық білдіргенін айтты, деп хабарлайды Prosports.kz allboxing.ru сайтына сілтеме жасап.
Компанияның негізін қалаушы Барри Хирн мәміле тек өз шарттарымен жүзеге асатынын жеткізді. «Мен жағдайымды қатерге тікпеймін, бірақ жақсы ұсыныс түссе, келісімге келуіміз мүмкін», – деді 77 жастағы Хирн Netflix деректі фильмінде.
Эдди Хирн де әкесінің ұстанымын нақтылап өтті: «Бұл – біздің компания. Инвестиция салғысы келетін кез келген адам біздің ережемізбен ойнауы керек. Тіпті Турки де. Біз асықпаймыз».
Эддидің айтуынша, Matchroom-ды толық сатып алу құны 1,5 миллиард фунт стерлингке бағаланған. «Саудиялықтар үшін бұл – ең мықтыларды тарту стратегиясының бір бөлігі. Біз үшін бұл үлкен құрмет. Бірақ мәмілеге дейін әлі көп бар», – деп қосты Хирн.
Геннадий Головкин рингке қайта оралуы мүмкін екенін меңзеді
Қазақстандық бапкер IBA мен World Boxing әлем чемпионаттарын салыстырды