Молдова құрамасының бас бапкері Норвегияға қарсы матч жайлы пікірін айтты
Молдова құрамасының бас бапкері Сергей Клещенко 2026 жылғы әлем чемпионаты іріктеу кезеңінің алтыншы турында Норвегиядан 1:11 есебімен ойсырай жеңілген ойынға қатысты пікір білдірді, деп хабарлайды Prosports.kz.
«Бұл – нағыз масқара. Бұл матч туралы айтатын көп нәрсе жоқ. Нәтиженің өзі бәрін көрсетіп тұр. Енді не істеу керегін шешуім керек екенін түсінемін», – деп бапкердің сөзін Dagbladet келтіреді.
Осы жеңістен кейін Норвегия құрамасы 15 ұпаймен I тобының көшін бастады. Келесі іріктеу ойынын норвегиялықтар 11 қазанда өз алаңында Израильге қарсы өткізеді.
Молдова құрамасы бес ойында бірде-бір ұпай алмай, турнир кестесінде 5-орында тұр. Келесі матчын 14 қазанда Эстонияға қарсы өткізеді.
«Реал Мадрид» «Тоттенхэм» қорғаушысы Микки ван де Венді қатарына қоспақ
Әлі іргетасы қаланбаған клуб 20 млн еуроға футболшы сатып алды