Константин Савенков «Барыс» – «Амур» матчына болжам жасады
Бүгін Астанада 2025-2026 жылғы ҚХЛ тұрақты чемпионаты аясында жергілікті «Барыс» хабаровскілік «Амурды» қабылдайды.
Prosports.kz сайтына берген сұхбатында астаналық клубтың бұрынғы хоккейшісі Константин Савенков алдағы кездесуге қатысты пікір білдірді.
– Ойын қызық болады. Құрам және ойын тұрғысынан екі команда қазір тең. «Амур» да алғашқы матчында жеңіске жетті. Бұл да өте қызық команда, көп қимылдайды. Матч нәтижелі болмақ, ал кім жеңетіні – айту қиын, – деп атап өтті өскемендік хоккей тәрбиеленушісі.
Еске сала кетейік, алғашқы ойында Михаил Кравец шәкірттері селябинскілік «Тракторды» овертаймда 4:3 есебімен тізе бүктірген еді.
Ресейлік шабуылшы ҰХЛ-дің үздік 50 ойыншысының қатарына енді
«Барыстың» бас бапкері Гагарин кубогының финалисін қалай ұтқанын түсіндірді
Қазақстан хоккей клубтары жаңа маусымды легионерлерсіз бастауы мүмкін