Бразилиялық теннисші алғаш рет WTA турнирінде жеңіске жетті
Әлемдік рейтингте 1206-орында тұрған бразилиялық Науани Витория Леме да Силва 2010 жылы туған ойыншылар арасынан WTA турнирінде жеңіске жеткен алғашқы теннисші атанды, деп хабарлайды Prosports.kz.
WTA-250 санатындағы Сан-Паулудағы жарыстың алғашқы айналымында ол отандасы, рейтингте 237-сатыда тұрған Каролина Алвесті 6:7 (0:7), 6:2, 6:0 есебімен тізе бүктірді.
2024 жылдың қыркүйегінде да Силва 2010 жылы туған теннисшілер арасынан алғаш болып рейтингтік ұпай алған еді. 15 жастағы спортшы сонымен қатар жасөспірімдер рейтингінде әлемнің 37-ракеткасы саналады. Ол жасөспірімдер Уимблдон-2025 турнирінде үшінші айналымға дейін жеткен.
Сан-Паулу турнирінің екінші кезеңінде Науани Витория Леме да Силва аргентиналық екінші ракетка Солана Сьерраға қарсы ойнайды.
Қазақстандық теннисші Қытайдағы турнирдің екінші кезеңіне шыға алмады