Қазақстанның жас әрі дарынды файтері тәжікстандық спортшымен кездеседі
Өскеменде өтетін Naiza 77 турнирінде Қазақстанның жас әрі дарынды файтері Мейербек «Мори» Төлегенов тәжікстандық Азизхан Чоршонбиевпен кездеседі, деп хабарлайды Prosports.kz тілшісі Sport+ сайтына сілтеме жасап.
«Менде екі жылға созылған үзіліс болды, енді жеңіске деген аштық сезімі бар. Eagle FC және Fight Night Global ұйымдарындағы жекпе-жектерден кейін біраз уақыт демалып, қалпыма келдім. Азизхан Чоршонбиевпен кездесу туралы жақсы ұсыныс түсті. Көп ойланбай, бапкерлер штабымен бірге бұл жекпе-жекке келісім бердік. Әрине, белгілі бір тәуекел бар, бірақ біз оған баруды ұйғардық. Мұндай қарсыласты жеңу менің Naiza рейтингімде де, медиялық жағынан да өсуіме мүмкіндік береді. Әзірге жоспар — осы жекпе-жекте жеңіске жетіп, оны барынша жарқын өткізу!» — деді спортшы.
Турнир 27 қыркүйек күні Өскеменде өтеді.
Илия Топурия Теренс Кроуфордпен жекпе-жек өткізгісі келетінін айтты