Томас Паласиос Петербург клубының ұсынысын қабылдамады
«Интердің» 22 жастағы қорғаушысы Томас Паласиос Санкт-Петербургтің «Зенитіне» ауысудан бас тартты, деп хабарлайды Prosports.kz.
Инсайдер Николо Скира таратқан мәліметке қарағанда, аргентиналық жас ойыншыға «Базель», «Сантос», «Олимпиакос», «Сампдория» және «Райо Вальекано» клубтары да ұсыныс жасаған. Дегенмен Паласиос бәрін қабылдамай, 2025/26 жылғы маусымда «Интердің» негізгі құрамынан орын алу үшін күресуді жөн көрді.
Айта кетейік, миландық клуб жас қорғаушыны «Индепендьентеден» 6,5 миллион еуроға сатып алған болатын. Өткен маусымның екінші жартысын ол «Монцада» арендада өткізді. Transfermarkt дерегінше, оның қазіргі нарықтық құны шамамен 4 миллион еуроға тең.
Еске сала кетсек, «Зенит» сапында қазақстандық құрама капитаны Нұралы Әліп ойнайды.