Диллон Дэнис UFC-де айқасуға дайын екенін мәлімдеді
Bellator ұйымының бұрынғы спортшысы Диллон Дэнис UFC-де өтетін турнирге шығуға дайын екенін айтты, деп хабарлайды Prosports.kz. Бұл турнирді АҚШ-тағы Ақ үйде өткізу жоспарда бар.
Ирландиялық Конор Макгрегордың жақын досы жақында Misfits лигасының шарасында жарқын жеңіске жетті. Ол Уоррен Спенсерді алғашқы раундтың небәрі 16-секундында тұншықтыру әдісімен жеңген.
«Бізді Конормен бірге Хабиб пен Махачевке қарсы Ақ үйдегі шоуға шығаруға болады. Мен Макгрегордың қайта оралатынына толық сенімдімін. Ол — тарихтағы ең ұлы файтер, мен әрқашан оның жанкүйерімін. Келесі жекпе-жегін асыға күтемін. Мұны досы ретінде емес, оның шеберлігіне тәнті жан ретінде айтып отырмын», — деді Дэнис Misfits турниріндегі жеңісінен кейін.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или