ҚХФ Қазақстан кубогының үздік ойыншыларын жариялады
Республикалық жарыстарды өткізу департаменті Қазақстан кубогының өткен маусымындағы үздік ойыншыларын атады, деп хабарлайды Prosports.kz тілшісі Shaiba.kz сайтына сілтеме жасап.
«Құлагер» қақпашысы Антон Осокин өз амплуасында үздік деп танылды. Ол кубоктағы үш ойында қақпаға бағытталған соққылардың 95,45 пайызын қайтарып, сенімділік коэффициентін 1 деңгейінде көрсетті.
Үздік қорғаушы атағын «Сарыарқа» хоккейшісі Ярослав Хрипков иеленді. Ол бес матч өткізіп, жалпы пайдалы әрекеттер көрсеткіші «+6» болды. «Торпедо» шабуылшысы Михаил Рахманов үздік форвард атанды. Оның еншісінде бес кездесуде үш шайба және төрт нәтижелі пас бар.
«Арланның» 17 жастағы шабуылшысы Богдан Залевский турнирдің үздік жас ойыншысы атанды. Ол төрт матч өткізіп, жартылай финалда бір шайба соқты.
«Торпедо» Қазақстан кубогын жеңіп алды
«Барыс» Ромазан мемориалы турниріндегі өнерін аяқтады
Қазақстандық клуб 20 жастағы ресейлік форвардтың кеткені жарияланды