Чемпиондар лигасы: «Қайрат» – «Реал» матчының басталу уақыты белгілі болды
Алматылық «Қайрат» 2025/26 жылғы маусымдағы Чемпиондар лигасының жалпы кезеңінде мадридтік «Реалға» қарсы өз алаңындағы ойынының нақты күні мен басталу уақытын білді, деп хабарлайды Prosports.kz.
Испаниялық алып клубпен кездесу 30 қыркүйек, сейсенбі күні Алматы орталық стадионында өтеді. Матч Қазақстан уақытымен 21:45-те басталады.
Айта кетейік, «Қайрат» үшін «Реалға» қарсы матч топтық кезеңдегі екінші ойын болмақ. Алғашқы турда, 18 қыркүйекте, қазақстандық клуб сырт алаңда лиссабондық «Спортингке» қарсы ойнайды.
Рафаэль Уразбахтин шәкірттерінің осы маусымдағы басқа қарсыластары: миландық «Интер» (Италия), «Копенгаген» (Дания), «Пафос» (Кипр), «Олимпиакос» (Грекия), лондондық «Арсенал» (Англия) және «Брюгге» (Бельгия).
«Оқжетпестің» шабуылшысы «Қайратқа» қарсы ойынға қатыспайды
Қазақстан құрамасы Астанада алғашқы жаттығуын өткізді. Видео