Джокович US Open-нің 1/8 финалына шығып, тарихи жетістікке қол жеткізді
Теннисші Новак Джокович жаңа тарихи рекорд орнатты, деп хабарлайды Prosports.kz.
US Open турнирінің үшінші айналымында сербиялық теннисші Кэмерон Норриді 6:4, 6:7(4), 6:2, 6:3 есебімен ұтты. Бұл жеңіс оның хардта өтетін «Үлкен дулыға» турнирлеріндегі 192-ші жеңісі болды. Осы көрсеткіш бойынша Джокович Роджер Федерерді басып озып, жеке-дара көш бастады.
Сонымен қатар Джокович 1991 жылы Джимми Коннорстан кейін US Open-нің 1/8 финалына шыққан ең жасы үлкен ойыншы атанды.
Келесі кезеңде сербиялық теннисші Ян-Леннард Штруффпен кездеседі. Бұған дейінгі өзара кездесулерде Джокович 7:0 есебімен алда тұр.
Қазақстанның үздік теннисшісі US Open турнирінің алғашқы айналымында жеңіске жетті
US Open: Елена Рыбакина қанша табыс тапты
ATP рейтинг жаңартты. Екі қазақстандық теннисші ғана үздік жүздікте