«Қайрат» вингері: «Біз ешкімге оңай олжа болмаймыз»
«Қайраттың» сербиялық жартылай қорғаушысы Юг Станоев алматылықтардың Чемпиондар лигасының негізгі кезеңіне шыққаны туралы әсерімен бөлісті, деп хабарлайды Prosports.kz.
«Біз 120 минут бойы жақсы ойнадық, ал пенальти сериясында барынша жинақылық танытып, тарихи жетістікке жеттік. Бұл – талай буынның арманы еді. Осының бір бөлігі болғаныма қуаныштымын. Біз мұның кездейсоқ еместігін дәлелдеу үшін бар күшімізді саламыз. Қалада нағыз мерекелік көңіл-күй орнады, өзімізді әлем чемпионы сияқты сезіндік», – деді Станоев.
Ойыншының айтуынша, «Қайрат» іріктеуді бірінші кезеңнен бастап, жолай мықты клубтарды – словениялық «Олимпияны», финдік «КуПС-ті», братиславалық «Слованды» және соңында «Селтикті» жарыстан шығарды. «Әр матч алдында бізді төмен бағалады, бірақ уақыт өте келе біз өте жинақы, қорғаныста сенімді командаға айналдық. Қорытындысы – аз ғана гол жібердік. Енді біз Еуропаның элиталы турнирінде ешкімге оңай олжа болмаймыз. Әсіресе өз жанкүйерлеріміздің алдында, олар тағы да біздің 12-ші ойыншымыз екенін дәлелдеді», – деді футболшы.
«Әлі де сөйлесеміз». Рафаэль Уразбахтиннің досы бас бапкермен әңгіме туралы айтты
«Бұл біз қалаған нәтиже емес». Макгрегор «Қайратқа» қарсы матч туралы
Алматы әкімі Дархан Сатыбалды «Қайратты» тарихи жеңісімен құттықтады