Қазақстандық экс-чемпион ресейлік ұйыммен келісімшартқа қол қойды
ONE Championship ұйымының бұрынғы чемпионы Кайрат Ахметов (30-2) спорттық мансабын ресейлік ACA лигасында жалғастырады, деп хабарлайды Prosports.kz
БАҚ дерегінше, 37 жастағы файтер ұйыммен келісімшартқа отырып, алғашқы жекпе-жегін Алматыда өтетін ACA 189 турнирінде емес, қазан айында Дубайда өткізеді.
Ахметов соңғы рет grappling ережесі бойынша Астанадағы Alash Pride 108 турнирінде экс-чемпион Генри Сехудомен күш сынасты. Қорытындысында америкалық спортшы 8:5 есебімен жеңді. Дегенмен қазақстандық спортшы төрешілер шешімімен келіспейтінін айтты.
Кайрат Ахметов – Қазақстандағы ең атақты ММА өкілдерінің бірі. 2015 жылы ол Адриано Мораесті жеңіп, ONE чемпионы атанды. Жекпе-жек жолында 32 кездесу өткізіп, 30 рет жеңіске жеткен.
Бұған дейін ол ONE ұйымында Деметриус Джонсонға қарсы титулды айқасқа жақын болған еді. Алайда келіссөздер тоқтап қалып, кейін спортшы допинг ережесін бұзғаны үшін алты айға шеттетілген болатын.
Қазақстандық файтердің UFC-дегі келесі қарсыласы анықталды
Қазақстандық файтер ММА-дегі алғашқы жекпе-жегінде жеңіске жетті