Ислам Махачев жылдың соңына дейін Джек Делла Маддаленаға қарсы шығады
Ислам Махачевтің менеджері келесі жекпе-жектің Джек Делла Маддаленаға қарсы өтетінін растады, деп хабарлайды Prosports.kz Сhampionat.com порталына сілтеме жасап.
Dominance MMA Management агенттігінің негізін қалаушы әрі бұрынғы жеңіл салмақтағы UFC чемпионы Ислам Махачевтің менеджері Али Абдель-Азиз шәкірті жылдың соңына дейін октагонға шығатынын мәлімдеді. Оның қарсыласы – жартылай орта салмақтағы UFC чемпионы, австралиялық Джек Делла Маддалена болмақ.
«Жекпе-жекке келісім жасалды және ол өтеді. Мен әрқашан ұйымға құрметпен қараймын, сондықтан артық ақпаратты жарияламаймын – бұл олардың жұмысы. Жыл соңында Австралияда жартылай орта салмақта чемпион болмайды. Джек Исламға өте мықты қарсылас болмақ, алайда Махачевтің оған лайықты қарсылық көрсетуге толық мүмкіндігі бар деп сенемін», – деді Абдель-Азиз Red Corner MMA-ға берген сұхбатында.
Қазақстандық файтердің UFC-дегі келесі қарсыласы анықталды
Қазақстандық файтер ММА-дегі алғашқы жекпе-жегінде жеңіске жетті