АҚШ ашық чемпионаты: Шевченко алғашқы кезеңнен әрі аса алмады
Александр Шевченко АҚШ ашық чемпионатында алғашқы айналымда ұтылды, деп хабарлайды Prosports.kz.
Қазақстан құрамасының теннисшісі, ерлер арасындағы жекелей сында елдің екінші ракеткасы саналатын Александр Шевченко маусымдағы соңғы «Үлкен дулыға» турнирінде жарыстан ерте шықты.
Бірінші айналымда ол әлемдік рейтингтің 18-ші сатысында тұрған испандық Алехандро Давидович-Фокинамен күш сынасты. Кездесу үш сетке жалғасып, Шевченко 1:6, 1:6, 2:6 есебімен қарсыласына жол берді.
Матч 1 сағат 29 минутқа созылды. Қазақстандық спортшы бір эйс орындап, екі қос қате жіберді және төрт брейк-пойнт мүмкіндігін пайдалана алмады.
Осылайша, Шевченко АҚШ ашық чемпионатындағы жолын алғашқы айналымнан кейін аяқтады.
Шарапова – Халықаралық теннис даңқ залының жаңа мүшесі
US Open-2025: қазақстандық теннисшілердің алғашқы қарсыластары белгілі болды
US Open: Іріктеу кезеңіндегі қазақстандық теннисшілердің қарсыластары белгілі болды