Джанлуиджи Доннарумма жаңа клубымен келісімшарт жасасуға жақын
«ПСЖ» қақпашысы Джанлуиджи Доннарумма «Манчестер Ситимен» жеке келісімшарттың талаптарын келісті, деп хабарлайды Prosports.kz.
Журналист Фабрицио Романоның айтуынша, қазір ағылшын мен француз клубтары арасында келісім шарттары бойынша келіссөздер жүріп жатыр. Трансфер сомасы ПСЖ бастапқыда сұраған 50 миллион еуродан аз болатыны баса айтылды.
Италиялық футболшының Манчестер Ситиге ауысуы әлі де қақпашы Эдерсонның осы жазда клубтан кететін-кетпейтініне байланысты. Галатасарай бразилиялық қақпашының қызметіне қызығушылық танытып отыр.
Өткен маусымда Доннарумма барлық турнирлерде 47 матчқа қатысқан. Футболшының клубпен ағымдағы еңбек келісімі 2026 жылдың жазына дейін есептелген. Transfermarkt порталында берілген ақпаратқа сәйкес, футболшының нарықтағы құны 40 миллион еуроны құрайды.
«Челси» ірі трансферді жүзеге асыруға жақын
«Манчестер Сити» португалиялық қорғаушымен келісімшарт мерзімін ұзартты